WhatsApp વિશે

180થી વધુ દેશમાં 3 અબજ કરતાં વધુ લોકો, ગમે ત્યારે અને ગમે ત્યાં, મિત્રો અને કુટુંબીજનો સાથે સંપર્કમાં રહેવા માટે WhatsApp¹નો ઉપયોગ કરે છે. WhatsApp મફત છે² અને સરળ, સુરક્ષિત, વિશ્વસનીય મેસેજિંગ અને કૉલિંગની સુવિધા ઓફર કરે છે, જે સમગ્ર વિશ્વમાં ફોન પર ઉપલબ્ધ છે.

¹ અને હા, નામ WhatsApp એ શબ્દસમૂહ What's Upનો શ્લેષ (બે અર્થવાળા શબ્દોનો પ્રયોગ) છે.

² ઇન્ટરનેટના પૈસા કપાઈ શકે છે.

WhatsAppની શરૂઆત SMSના વિકલ્પ તરીકે થયેલી. અમારી પ્રોડક્ટ હવે વિવિધ મીડિયા મોકલવા અને મેળવવાને સપોર્ટ કરે છે: ટેક્સ્ટ, ફોટા, વીડિયો, ડોક્યુમેન્ટ અને લોકેશન તેમજ વોઇસ કૉલ. તમારી કેટલીક ખૂબ જ વ્યક્તિગત ક્ષણો WhatsApp દ્વારા શેર કરવામાં આવે છે, એટલા માટે જ અમે અમારી ઍપમાં એન્ડ-ટૂ-એન્ડ એન્ક્રિપ્શનની સુવિધા વિકસાવી છે. પ્રોડક્ટને લગતા દરેક નિર્ણયની પાછળ અમારી ઇચ્છા રહેલી છે કે લોકો વિશ્વમાં ગમે ત્યાં અવરોધો વિના સંચાર કરી શકે.

WhatsAppની સ્થાપના જાન કૌમ અને બ્રાયન એક્ટન દ્વારા કરવામાં આવી હતી જેમણે અગાઉ Yahooમાં સંયુક્તપણે 20 વર્ષ વિતાવ્યા હતા. WhatsApp 2014માં Facebookમાં જોડાયું હતું, પરંતુ તેણે વિશ્વમાં ગમે ત્યાં ઝડપી અને વિશ્વસનીય રીતે કામ કરતી મેસેજિંગ સેવા બનાવવા પર લેઝર ફોકસની સાથે એક અલગ ઍપ તરીકે કામ કરવાનું ચાલુ રાખ્યું છે.